Backbone Branding-ը Dubai Design Week-ին
Backbone Branding-ը շարունակում է բացահայտել դիզայնի բոլոր ասպարեզները:
2016 թվականի հոկտեմբերի 24-29 անցկացվող Dubai Design Week-ը աշխարհի դիզայնի նորագույն և ամենաամբիցիոզ միջազգային միջոցառումներից մեկն է: Այս տարի այս մեծ իրադարձությանը որպես դիտորդ մասնակցեց մեր ստուդիան, իսկ մեր նախագծերից մեկը, որը շուտով կհայտնվի մեր պորտֆոլիոյում, մասնակցեց ծրագրին:
Dubai Design Week-ի նպատակն է ուշադրության կենտրոն հրավիրել Դուբայը, որպես դիզայնի առաջատար հարթակ և ներկայացնել աշխարհին ԱՄԷ-ի դիզայնի ծաղկող ասպարեզը: Համագործակցության ոգով առաջնորդվող Դուբայի և որպես քաղաքի համաշխարհային հեռանկարի արտացոլում, դիզայնի այս շաբաթն ունի թե՛ տեղական և թե՛ միջազգային կողմնորոշում՝ ներառելով հանրային և մասնավոր ոլորտներ՝ մշակույթ, կրթություն, զվարճանքների ոլորտ, գրաֆիկական և ապրանքի դիզայնից մինչև ճարտարապետություն եւ արդյունաբերական դիզայն:
Հարթակներ, ելույթներ, քննարկումներ, հանրային ներկայացումներ և ուսումնական սեմինարներ. ամեն ինչ նպաստում է կարևորագույն քննարկմանն այն մասին, թե ինչ նշանակություն ունի դիզայնը տարածաշրջանի և համաշխարհային շուկաներում: 2015 թվականին 23.000 այցելուներ ամբողջ աշխարհից եկել էին Դուբայ, որպեսզի բացահայտեն ավելի քան 150 դիզայներների աշխատանքներ և գաղափարներ, հավաքված տարածաշրջանից և ամբողջ աշխարհից:
Կիսվում ենք ձեզ հետ Dubai Design Week – ից մեր լուսանկարներով: